Bachpan bita khelkood main
woh din bada yaad aata hai,
School ke din beete kitaabon main
Jine ka paath hamein sikhata hai.
Vidhya poori hote hi
naukari talaashi jati hai,
naukari milte hi shaadi ki
yaad bahut sataati hai.
shaadi hokar bachhon ki
fiqar shuru ho jaati hai,
apni duniya mein budhe
Maa-Baap ki yaad nahin aati hai.
Bachpan, Vidya, Ghar, Pariwar
Paise ki Duniya hoti hai,
Kabhi apne-aap se yeh bhi puchho
Kya yahi jindagi hoti hai?
Written By : Shibu
Nice poem ... good yaar
Posted By : Sandeep
