| By : Deepti Shukla ( Posted on :12 Jul, 2006 ) | Total Views : 221 | Previous | Next |
Ye in gulabo ki sundarta, saumyta,
Ye aapka madhur sneh,
Dono ka itna madhur sangam deta hai,
Mere dukhte hriday ko aseem dheeraj,
Kucch kar guzarne ka adamya sahas.
Ye din, ye pal, ye shann,
Ye dangh, ye sneh, ye saumyta dekh,
Dil khush hai paake aapka shubh aashirvaad,
Ye Khushi, Ye santushti bhare ehsaas.
Ye bhaav jo vibhore hai, kritghyta bhare ehsaas,
Sirf gulabo ke madhur sparsh, rango ki wajah nahi,
Aapki bhavnao, prernao ki wajah se hai.
Ye to madhur sangam hai shradha aur saumyta ka,
Saralta aur sarasta ka,
Bhavnao aur abhivyaktiyo ka,
Rango aur rasmo ka.
Aapka ye samipya, ye sadgi, ye apnapan,
Bhulane se bhi na bhulega apka ye sang,
Aur ye phool jo murjha jayenge kal,
Phir bhi rakhe hai maine sambhal kar,sahej kar,
Denge yeh mujhe nai shakti,
Har pal, har dam, har shann.
Written By : Deepti Shukla
