Apne ahsaso ka aagaj karna chahati hoon main,
kuchh likhna chahati hoo main
Kya likhu samajh me aata nahi,
Har ghadi, har pal chehara,
Dekhti hoon tumhara, aur
Hamesha dekhana chahati hoo main,
Yu to aksar naam tera pyaar se,
Kabhi ret par kabhi hawa me,
Kabhi khwabo me, kabhi dil pe,
Kabhi mausam ke rang se,
Kabhi gulshan ke raunak me,
Likhati hai ungliya.
Lekin, aaj jab maine koshish ki,
Armano ko shabdo me bandhne ko,
Tera chehara ubhar aaya kajag pe,
Bas naam tera likh kar rah gayi,
Roshnai,
Teri aawaz gunjati hai kano me meri,
Sabse pyari, lagati hai mujhko,
Jab gholti hai yeh hawao me mishriya,
Chup mujhe tum suhate nahi,
Kyu palake kabhi meri taraf uthate nahi,
Mera yakin kar, maine sirf tumhe chaha hai,
Kehana chahati hoon, keh pati nahi main,
Tum shayad samajh loge, meri deh sangeet,
Yeh bharam, ab tak na tuta, na hakikat bani,
Isliye tuhare naam mai prem patra,
likhna chahati hoo main.
Apne ahsaso ko labj-band karna chahati hoon main,
kuchh likhna chahati hoo main
Shayad pasand na aaye tumhe,
Mera ye bebakipan,
Shayad ho koi aur khawabo me tere,
Shayad kuchh aur baat,
To suno, ai rahi,
Bura na man jana meri baato ka,
Bhool jana sab kuchh,
Maf kar dena yeh soch kar,
Ki abhi bachchi hoo main,
Per itna hai kehna,
Agar tumhare bhi jajbat machal rahe ho,
Mere liye tumhare dil me bhi jagah ho,
Agar tumhe bhi mujhse pyaar,
To is khat ka jawab dena.
Isi intazar me baithi hoo main.
Apne ahsaso ko labj-band karna chahati hoon main,
kuchh likhna chahati hoo main
Written By : Shashank
its very good
Posted By : Sonalihousale
