| By : Rahul Jain ( Posted on :14 Jan, 2008 ) | Total Views : 2257 | Previous | Next |
teri yaad mein ab toh main
har subah aur shaam likh raha hoon
tujhe ehsas bhi nahi ke mere khuda
main kya kya paigam likh raha hoon
jindgi ka raag wahi apna purana hai
ke roz aa rahi hain mushkilein nayi nayi
par abhi tak tha maun bekhabar sabse
aur aaj bhi tere dar pe sare-aam likh raha hoon
dil ki chahat kya hai nahi pata mujhe
nahi pata ki meri manzil kahan hai
aur tarika kuchh aisa hai mera ae khuda
ke tere dar pe sab benaam likh raha hoon
ab to mujh par barsa de khushio ke badal
jo main ab tak tere kiye sabhi ehsaan likh raha hoon
Written By : Rahul Jain
