| By : Taslim Arif ( Posted on :05 Aug, 2008 ) | Total Views : 683 | Previous | Next |
Bikhare tinkon me duniya dhundataa hun
Chhota aadmi hun chhoti khushiyan dhundataa hun
Hazaaron maye ka nashaa ho jin me
Aisi pyari do akhiyan dhundataa hun
Chhota aadmi hun chhoti khushiyan dhundataa hun
Maqbool ho ke bhi gumnam rahe hum
Badnaam hone ab ruswaiyan dhundataa hun
Chhota aadmi hun chhoti khushiyan dhundataa hun
Ho gaye barbaad jaane kitni aabaadiyan
Aabaad hone ab barbadiyan dhundataa hun
Chhota aadmi hun chhoti khushiyan dhundataa hun
Mujhko ye pata hai kuch haasil nahin is se
Bujha ke diya andhere me parchhaiyan dhundataa hun
Chhota aadmi hun chhoti khushiyan dhundataa hun
Bechain ho gaya hun duniya ke shor se
Veeran Khandaron me tanhaaiyan dhundataa hun
Chhota aadmi hun chhoti khushiyan dhundataa hun
Written By : Taslim Arif
