| By : Vibha Handa ( Posted on :29 Mar, 2009 ) | Total Views : 460 | Previous | Next |
kab se dhoondh rahi hoon
main svayam apni pahchaan
paas hoon svayam ke par phir bhi
apne aap se hoon main kitni anjaan
apne hi banaaye raaste par khojti hoon
apne hi pairon ke nishaan
kuch pal-rukati hoon, dekhti hoon na jaane
kaise phir chal padti hoon hokar main pareshaan
kabhi hansati hoon kabhi roti hoon
kabhi ho jaati hoon main svayam par hairaan
jaise samajh nahi paati hoon
main apni hi banayee vidhi ka vidhaan
kisi anya ki aankhon me
hryday mein, mastishk mein
dhoondhti hoon apne jeewan ka samvidhaan
is uljhe se parivesh mein kahaan mil paayegi
mujhe meri apni pahchaan?
Written By : Vibha Handa
