| By : Vibha Handa ( Posted on :29 Mar, 2009 ) | Total Views : 512 | Previous | Next |
na aar hai yahaan
na hai yahaan paar
charon taraf kewal
faila hai andhkaar
bhaagete firete hue
her manushya yahaan
pahunchena chaheta hai
per na jaane kahaan?
Prashn chinh bani
khari hai her raah
kaanton ke saaye mein
chhupi hain her chaah
phir bhi chalata hai
her ik manushya
aankhon mein sajaaker
ek sunehara bhavishya
Satya se hota hai
jab uska sakshatkaar
khokar santulan vah
kareta hain chitkaar
Haan!yahee hai satya
yahee hai parajay
Ret ke mahal sum
hai har vijay
hawaa ke jhonke se
jo toot jayega
Avsheshon ke alawa
kuch bhi na rah paayega
Written By : Vibha Handa
