ek din yoonhi
raah se gujarte samay
hryday ko mousam ki
umangon se bharte samay
achaanak maine dekha
ek jvalamukhi ko bhabhakete hue
parvat samaan aakaar ko
svayam se samgharsh karte hue
Main hairaan si ruk gayee
kuch samajhene ke prayatn mein
Us vishaalkaay per
shaayad hansene ke prayatn mein
kal garvaanvit jo parvat tha
kitna laachaar sa kharaa tha
apaar agni hryday mein liye
besahara sa jal rahaa tha
Main hansene hi lagi thi
ki achanak aawaz suni
-'hansanaa chahete ho mujh per
samajh mujhe jvalamukhi
dhyaan se dekho jara
kya hai mera astitv
koi jvalamukhi nahin
Naari hai mera vyaktitv
Maine asamanjas se dekha
woh peedit naari ka hryday tha
samaaj dwara shoshit, us per
dukhon ka hi marhum tha
chubhe the, teekhe taanon ke
nukeele kaante chahun ore se
bah rahaa tha dard
hryday ke her kore se
sah na paayee jab
phereni chaahi apni drishti
hans ke bola hryday
arey! yeh tumhari hi hai srishti
Ab ghabraate ho kyon
Ho jaao tum 'garvaanvit'
Anupam apni is kriti per
kar do apna naam bhi ankit
Iti ho chuki thi ab
meri sahanshakti ki
kyon thukeraayee gayee woh
kareni jiseki bhakti thi
yeh sochte anjaane mein
kuch aansoon mere bah nikele
hans ker bola hryday-Arey
tum bade bhaagyavaan nikele!
ek aah bhari au' bola
hamen to rone ki agya na thi
hamare liye dayaa ho jahaan
kahin aisi koi bhasha na thi
nayaa dard karta tha
puraane per dawa ka kaam
hamare liye nahin tha
pyaar jaisa koi naam
'Ek baar yaad hai mujhe
jab sisekene lagaa tha main
apne dard ke ghaawon se
swat: hi pisene laga tha main
achaanak tumene hi aaker
dhar dabocha tha mujhe
koi prataadit jeev nahi
shayad patthar socha tha mujhe
apni laachari dekh ker
chup ho gayaa tha main
aansooyon ko sametker
jaise so gayaa tha main
per aankhon me krodh tha
neend nahi aati thi
andhere ker sab ore se
aansoon main bahaati thi
Haan! yeh ek abla hai
kamjor ek naari hai
sehati hai jo her dukh
per awaaz nahi uthaati hai
prithvi ki sajeev pratima hai
lava jisme bhayanker hai
ugalati nahin ise kintu
yahi mujhme aur tum me antar hai
Written By : Vibha Handa
bahut khoob
Posted By : Pradeep Kumar Gupta
