| By : Vibha Handa ( Posted on :19 Jun, 2009 ) | Total Views : 3361 | Previous | Next |
yeh kahaani, yeh kisse
hain jindagi ke hi hisse
fir bhi hum inhen
apna nahi paate
jitne hain yeh paas aate
utne hi hum door jaate
in kisson se
sapanon ko sajaaker
jeewan ko sanwarana
chahte hain-in kisson ko
mitaker
inko mitane ki koshish
parantu, ban jaati hai
fir ek nayee kahaani
chhod jaati hai jo hryday per
ek amit nishani
fir aahat hryday leker
firten hain idher udher
kisse ban jaate hain naye
waise hi jaise kuch purane
fir bhi sadiyon se
log kisse banaate hain rahe
aur kahaani unki
her yug mein sunaate hain rahe
main bhi ek kissa hoon
kyonki samay ka hissa hoon
hogi meri bhi ek kahaani
jo ban jaayegi
mere 'astitv' ki nishani
fir kaise maan loon
ki ek din main mit jaoongi
main to sadaiv ke liye
itihaas ke pannon per
ankit ho jaoongi
Written By : Vibha Handa
