| By : Vibha Handa ( Posted on :22 Jun, 2009 ) | Total Views : 384 | Previous | Next |
dhoondhati rahi-
jeewan ka arth--
nadiyon mein, saagar mein,
kabhi basti mein
kabhi jangal mein.
poochati rahi-
jeewan ka arth--
kabhi aatma se,
kabhi parmatma se,
kabhi moorat se,
kabhi maanav se.
khojati rahi-
jeewan ka arth--
kabhi vairagya mein,
kabhi bhog mein,
kabhi dukh mein,
kabhi mangal mein.
kabhi bani Raam,
bani kabhi Raheem,
kabhi Isaa ban,
aur kabhi Mahaveer.
Budh sum kiya tap,
Tulasi ki bhakti,
Kabhi Uma ki saralata,
kabhi Naanak ki virakti.
Sita ki saadhna,
kabhi Durga ki shakti,
Kintu--
bhatak rahi hoon
aaj bhi, jeewan ki talaash mein,
arth veheen
shabdon ke- abhedya ek jaal mein.
Written By : Vibha Handa
