Kabhi ye khayal bhi mann tak pohcha na tha,
Tum bhi kuchh aisa karoge socha na tha.
Tumhari baate tumhari masti
Sab kuchh mujhe hasata tha,
Tumhara mera mzaak udana
Fir mnana mujhko bhata tha.
Sath tumhare hokar dil kabhi rota na tha,
Tum bhi kuchh aisa karoge socha na tha.
Hoti thi tumse subah ki shuruaat
Raat ka ant bhi tumse hi tha.
Sone ke baad uthne ke pahle
Sapno mein milna tumse hi tha.
Ek lamha bhi mann tumse dur hota na tha,
Tum bhi kuchh aisa karoge socha na tha.
Mujh jaise kai mile honge tumhe
Mujhe keval tu hi mila tha,
Tujh par behad vishvaas kiya maine
Khud se sirf yahi gila tha.
Teri yaado ke siva dil kahi khota na tha,
Tum bhi kuchh aisa karoge socha na tha.
Shayad mere jaane ke baad
Tu bhi meri yaado mein khoyega,
Meri vafaai ko yaad krke
Apni bewafaai pe royega.
Jab sath they tab mann tumhare bin sota na tha,
Tum bhi kuchh aisa karoge socha na tha.
Written By : Kratika Nigam
Very GoOd
Posted By : Wanchha Arya
