kyu ye dil beqrar ho jata hai, na jaane kyu kisi se pyaar ho jata hai.
kyu ye dil usi per marta hai , na jaane kyu use hi pyaar karta hai.
kyu is dil ko wahi yaad aata hai,jo ise chhodker door chala jata hai.
kyu hum use bhulana chhate hai,na chahte huye bhi pyaar lutana chhate hai.
kyu hum sachha pyaar karte hai,jab pyaar ke teen lafz kahne se darte hai.
kyu hum usse bat karna chahte hai,jisse baat karne per muskura jaate hai.
kyu use dekhker saanse ruk si jaati hai, jabki dil ki bate juba per aaker ruk si jaati hai.
kyu uski ek jhalak ke hum deewane hote hai,jise dekhne ke hazar bahane hote hai,
na jaane kyu hum use itna sochte hai,dinbher baithe sachche jhoote sapne bunte hai.
na jaane kyu uski baate meethi lagti hai,kyu ye bate sunker dil me seeti bajti hai.
kyu uske samne aane se dhadkne tez ho jati hai,na chhate huye bhi aankhe wahi atak jaati hai.
na jaane kyu din me taare najar aate hai,pyaar me sabhi log pyaare najar ate hai.
kyu usse bat karne ka intezar karte hai,kahne wali sabhi baate dil me chhupa kar rakhte hai.
bus na jaane kyu ek ajnabi se pyar ho jata hai,kyu ye dil beqrar ho jata hai.
Written By : Rahul Kourav
Very nice poem
Posted By : Sanjna Rajput
