| By : Aashish ( Posted on :15 Jun, 2012 ) | Total Views : 926 | Previous | Next |
Na sawal bankar mila karo,
Na jawab bankar mila karo,
Zindagi ho tum,
Mujhse zindagi ki tarah mila karo.
Na dost bankar mila karo,
Na raqeeb bankar mila karo,
Insaan ho tum,
Mujhse insaan ki tarah mila karo.
Na aas bankar mila karo,
Na niraash bankar mila karo.
Haqeeqat ho tum,
Mujhse haqeeqat ki tarah mila karo.
Na aawaz bankar mila karo,
Na khamosh bankar mila karo,
Raag ho tum,
Mujhse raag ki tarah mila karo.
Na ehasaas bankar mila karo,
Na jazbaat bankara mila karo,
Ibaadat ho tum,
Mujhse ibaadat ki tarah mila karo.
Na dhup bankar mila karo,
Na chhawn bankar mila karo,
Waqt ho tum,
Mujhse waqt ki tarah mila karo.
Written By : Aashish
