KABHI BAITH KINAARE GANGA,YAMUNA,
YA NADIYON KE ANANT KINAARE,
DEKH LENA TUM GAUR SE,
JAAN JAAOGE TUM PYAARE,
KYONKI,LAHREIN BHI KUCHH KEHATI HAIN.

UTHAA KAR JO GIRATI HAIN,
GIRAA KAR JO UTHATI HAIN,
UTHAA KAR PHIR CHALATI HAIN,
HA! LAHAREIN KUCHH KEHATI HAIN,
LAHAREIN KUCHH KEHATI HAIN.

KYON KI YEHI ZINDAGI,
YEHI DHARA HAI,
JEETA HAI KABHI JO,
WAHI HAARA HAI,
HA! JEEVAN KA SANDESH,
YEHI SAARA HAI.

CHALTA JAA RAHA PATH DEKHO
CHALTE JAA RAHEIN PATHIK HAIN,
PAR NA JAANE KAHAN!
CHALTE JAA RAHE HUM SABHI HAIN,
CHALTE JAA RAHE HAIN,
KABHI SOCHATA HOON MANN MEIN,
THAHAR KAR APNEPAN MEIN,
RUK JAOON,BAITH JAOON,
THAHAR JAOON,
SO JAOON,GEHARI NIDIYON MEIN,
KISI TARU CHHAYA MEIN,
PAR NA JAOON,UN LOGON KE SAATH,
JO BHAGTE JAA RAHE HAIN,
PAR NA JAANE KYUN,
BEHKAWEY MEIN MANN KE,
MAIN BHI BHAGTA HOON,
BINA JAANE KI JANA KAHAN HAI,
JANA KAHAN HAI......

Saathiyon salaam hai, Khuda ka kalaam hai,
Is desh ki azadi hai, tumhe bula rahi,
Jati vadi bediya, jhunjhana ke gaa rahi,
Kabul ho azadi, todh do yeh bediya.

Pran karo yahan abhi, Pran karo yahan sabhi,
Tumhare hi haathon mein, desh ki mashaal hai,
Saathiyon salaam hai, Bhaiyo salaam hai,
Beheno salaam hai, Khuda ka kalaam hai.

Dhun samaaj hai, jami dhul durr tum use karo,
Bhuj raha jala diya, pyaar se isse bharo,
Yeh desh lahlaha uthe, bharatiya gaon uthe.

Vishwas mein awaaz hai, vishwas mein pukaar hai,
Tumhare hi haathon mein, desh ki mashaal hai,
Saathiyon salaam hai, khuda ka kalaam hai.

Ruke na jo,jhuke na jo,dabe na jo,mite na jo,
Hum wo inqalaab hain,zulm ka mooh tod jawaab hain,
Har shaheed,har gareeb ka hum hi to khwaab hain.

Ladd rahe isliye ki pyaar har jag mein jee sake,
Insaan ka khoon koi insaan na pee sake,
Maalikon mazdoor ke,naukron huzoor ke,
Farak ko mitayenge,samaanta ko layenge.

Maante nahin hai fark Hindu,Muslim,Sikh,Isayi ka,
Jaante hain rishtaa,Insaan se Insaan ka,
Dharam ke,desh ke,bhaashaa aur vesh ke,
Fark ko mitayenge aur Ektaa ko layenge.

Maante nahin hain hukum,zulmi hukmuran ka,
Yudh aaj chal raha hai,insaan aur haiwaan ka,
Satya ki sambhal dhal,kranti ki le Mashaal,
Ekta ke jor se har zulm ko hum mitayenge,
Ruke na jo,jhuke na jo,dabe na jo,mite na jo,
Hum wo inqalaab hain,zulm ka mooh tod jawaab hain.

Gungunna rahe hain aaj hum, raagini ko dhoondhte huey,
Aa gaye yahan jawan kadam, zindagi ko dhoondhte huey.

Do dillon mein yeh umang hai, hum jahaan naya banayenge,
Zindagi ka taur aaj se, doston ko hum sikhayenge,
Paudhey hum naye khilayenge, taazgi ko dhoondhte huey,
Aa gaye yahan jawan kadam, zindagi ko dhoondhte huey.

Baimaani ka bura riwaaz hai, aaj desh ke har samaaj mein,
Hai tabah aaj sara insaan, loot paat ke samaaj mein,
Hum samaaj bhi banayenge, sarfarozi ko dhoondhte huey,
Aa gaye yahan jawan kadam, zindagi ko dhoondhte huey.

Le kar mashaal chal pade hain, log mere gaun ke,
Ab andhera jeet lenge, log mere gaun ke.

Puchti hai jhopdi aur puchte hain khet sabhi,
Kab tak loote rahenge, log mere gaun ke.

Cheekhti hai har rukawat, thokdon ki maar se,
Bediyan khanka rahe hain, log mere gaun ke.

Lal suraj ab ugega desh ke, har gaun mein,
Ab ikkatha ho chale hain, log mere gaun ke.

Dekho veero jo subah lagti hai phiki aaj kal,
Lal rang usme bharenge aaj, log mere gaun ke.

Wedding Poems