US MITTI SEPosted by : Subhash Yadav on 22-Feb-2007 Total Views : 238 JAB LAUT RAHA,
US PATH SE MAI THA,
NIRMAL THEY BHAV MANN KE,
CHAHAKAR BHI AA RAHA THA,
US PATH KO MAI THAJ KE.
KAPDE HO RAHE THEY MALIN,
JINHE AUR MALIN CHAHATA THA,
HA! KHOOD KO US DHOOL MEIN,
DHOOMIL KARANA CHAHATA THA,
UDHAV BAN GAYA MAI THA,
MANO GOPIO KE US GAON MEIN,
JAHA MARNA BHI DHANYA HAI,
US CHHAW MEIN,
KYON KI JANATA HOON,
MOL UNKA ANMOL HAI JO JEEVAN KE,
KHULI AAKHON SE,
AGHOSH MEIN JINHE BHARNA CHAHATA THA,
HA! US DHARTI,AKASH KO,
US PAWAN PATAL KO,
PANCHHI,TARU TALAB KO,
MITRO KE SAILAB KO,
NAHI CHHODANA CHAHATA THA,
PAR VIVASATAO KE GHERE MEIN,
GAHAN ANDHERE MEIN,
BITA RAHA HOON DIN JEEVAN KE,
AAJ GHAR ANGAN KE BAHAR.
Email to Friend | Post Comments
SUBAH- SUHANIPosted by : Subhash Yadav on 22-Feb-2007 Total Views : 265 KAHATI KUCHH HAI SUBAH SUHANI,
NAI UMANG LIYE, NAI JAWANI.
KAHATI MANO JINA SIKHO,
PANCHI BRINT TARUO KO DEKHO,
KITANI UNME CHANCHALATA HAI,
JEEWAN KI BHARI UMADAKATA HAI,
DEKHO THANDI HAWA KO DEKHO,
NAI KOPLE FUNGI PAR DEKHO,
DEKHO NANHI SANSE KOTAR SE,
JHANK RAHI ES DUNIYA KO DEKHO,
DEKHO KHET, BAGAN DEKHO,
ANANT FAILA AASAMAN DEKHO,
SURAJ DEKHO, LALIMA USKI,
NADIYO KA PRAWAH DEKHO,
DEKHO JHARNE, TAAL, TALAIYA,
KALI KHILATI PARAG DEKHO,
JEENA SIKH JAWOGE TUM BHI,
SAMAST CHARACHAR BADLAW DEKHO.
Email to Friend | Post Comments
BASANT KE GEETPosted by : Subhash Yadav on 22-Feb-2007 Total Views : 350 SAJ-DHAJ NAV,
KISLAY BRINTO MEIN,
GUTHE PARAG SE MATWALI,
MADMAST HAWA KE JHOKE MEIN,
AAJ HICHKOLE KHATI DALI-DALI,
KOYAL KE HA! DIN AAYE,
AMARAIYO PAR HAI BAUR CHHAYE,
SARSO KE PILE PHOOLON SE,
KHET BHI HAIN LAHARAYE,
NAYE-NAYE SRIJAN KO DEKH,
MERA MANN BHI MUSKAYE,
ES BASANT RITU KE AANE PAR,
BHALA KAUN NAHIN KOI GEET GAYE.
Email to Friend | Post Comments
JHUKI HUI SEE DALIPosted by : Subhash Yadav on 22-Feb-2007 Total Views : 381 JHUKI HUI SEE DALI,
BAUR SE LADI WAH MATWALI,
AMARAIYO KI WAH BARI,
AMARAIYO KI WAH BARI,
DEKHA JISE JAB KHIDKI SE,
US RAIL KI RAFTAR MEIN,
SAHSA YAAD AAYA,
MAN PAR EK ULLAS CHHAYA,
BASANT RITU HAI AAYA,
BASANT RITU HAI AAYA.
VARNA KAHAN PATA HAI KISKO ?
KAHAN BAUR,KAHAN AMARAI,
BASANT RITU MEIN AAWAJ KOYAL KI,
KISKO DI HAI AAJ SUNAI ?
KAHAN FURASAT HAI DO PAL KI,
SANIDHYA ENKE SPARS KA,
KITABO MEIN JANTE HAIN SAB,
AAM BHI PHAL HOTA HAI,
BAS AUR KYA CHAHIYE ?
PAR MUJHE DUKH HOTA HAI,
ABHAWO MEIN ENKE,
MANN ROTA HAI,
KYON KI CHHUATPAN BITA HAI,
SANIDHYA BASANT KE,
WASTWIK US UMANG KE,
RANG BHARE HAIN JISME SAHASRO RANG KE.
Email to Friend | Post Comments
BARGAD KI CHHAYAPosted by : Subhash Yadav on 12-Jan-2007 Total Views : 428 WAHI PEEPAL KA PED WAHI,
WAHI NEEM, BARGAD KI CHHAYA,
WAHI DHIMI CHAAL JEEWAN KI,
WAHI SAB KUCHH JEEWAN KAYA.
HA! BARSO BAAD LAUT KAR BHI,
SAB KUCHH WAHI PAYA,
SAB KUCHH WAHI PAYA.
GEET WAHI TARUMARMAR KE,
WAHI PANCHHI KALRAW KE,
MILA MAIN BARSO BAAD PHIR SE,
USI NADI, NAHRO SE,
USI TARU SE,TARUPALLAW SE,
JISS KE THA SANIGDH MAIN BACHAPAN SE.
HA! MILA MAIN PANCHHI KOTAR SE,
BUDE USS BARGAD SE,
PEEPAL SE, SHEESAM SE,
AAM SE, MAHUA SE,
KATEHAL,NEEM, KIKAR SE,
JIN KI BAHON MEIN THA KHELA,
CHHUTAPAN KA LIYE RELA,
JO AAJ BUDHE HO CHUKE HAI BRINT,
THUTHI HO CHALI UNN KI TAHNIYA,
JO BARSON SE AAYE HAIN SUNATE APNI KAHANIYAN.
HA! DUKH HOTA HAI DEKH KAR UNHE,
KISI HAWA KE JHONKEIN MEIN TUT JAAYENGE,
PAR NANHE NAYE CHEHRON KO DEKH KAR,
JO PHIR BANAYENGE EK PED UBHAR KAR,
FAILAYEINGE APNI CHHATNAAR TAHNIYAN,
AMBAR MEIN LEHRAYENGE,
SHAYAD YAHI SOCH KAR MANN KHUSH HOTA HAI,
KYONKI NIYAM YAHI HAI YAHI VIDHAN,
YAHI HAI JEEWAN KA SAMADHAN !!
Email to Friend | Post Comments
AAYE DIN BASANT KEPosted by : Subhash Yadav on 14-Dec-2006 Total Views : 305 AAYE DIN BASANT KE,
AAYE DIN BASANT KE,
PHIR SE NAV SRIJAN KE,
NAYE PALLAW PARAG KE,
LIYE MAN ANURAG KE,
RANG LIYE UMANG KE,
RANG BIRANGE RANG KE,
ALHAD HAWA SANG KE,
HA! AAYE DIN BASANT KE,
AAYE DIN BASANT KE,
AAYE DIN BASANT KE.
HA! BAUR KE,RASAL KE,
KOYAL KE GAAN KE,
KHETON MEIN KATATI FASLEIN,
AUR KHALIHAAN KE,
NAYE-NAYE PARIDHAN KE,
NAYE KUCHH SAMAN KE,
GAONN ME NIRDHAN, HA!
USS KISHAN KE,
JIS KI BETI KO BYAHNE,
KUCHH AAYE SASURAL KE,
JO JA RAHI KAL BAITH DOLI KE,
NA JANE KIS DIGANT KE,
AAYE DIN BASANT KE,
AAYE DIN BASANT KE.
AAYE DIN BASANT KE.
PHIR SE USS FUHAR KE,
APNE DUWAR KE,
UTHATI DHOOL PATH KE,
CHHOTE UTHTE PHIR,
BIGADTE BAWANDER KE,
PATIKO KE PATH KE,
HA! TARUO SE IRTE WAH PALLAW,
BRINT BRINT KE,
AAYE DIN BASANT KE,
AAYE DIN BASANT KE.
Email to Friend | Post Comments
[ Previous Page ] [ Next Page ]
Pages : 1 2 3 4 5 6 7 8 9 10