Nikla tha apne ghar se main
Zindagi ki talaash mein.

Chalte-chalte thk gaya,
Ruka na haar ke.
Ki dhundhni thi manzil mujhe,
Dariye the laangne.

Chhota nahi tha safar mera,
To humsafar chun liya.
Kuch dur saath chal ke,
Wo bhi thehar gaya.

Raah mein kuchh mod,
Mujhko aise mile.
Kuch dur jinpe chalke,
Mujhe lautna pada.

Chalta raha main patharon pe,
Dard bahut mile.
Ruka nahi unse bhi main,
Ki shayad yehi naseeb hai.

Dikh gayi manzil mujhe,
Par rasta kathin hai.
Chal raha hoon aaj bhi,
Aur humsafar kai hai.

Na jaane kab ek mod pe,
Mere kadam behak gaye.
Na jaane kab us bheed mein,
Maine khud ko bhula diya.

Girte-girte bach gaya,
Ab sambhal gaya hoon main.
Phir se manzil ki raah pe,
Ab chal pada hoon main.