| By : ( Posted on :11 Apr, 2007 ) | Total Views : 487 | Previous | Next |
AAP DONON KAAM-KAJI HAIN,LEKIN MUSHKIL TAB HOTI HAI JAB INCOME KE MAMLE ME AAP AAGE NIKAL JATI HAIN.AISE ME KAI BAAR TAKRAAR KI SITUATION AA JATI HAI,AAKHIR IS TAKRAAR SE KAISE BACHEN TAKI PARIWARIK KHUSHIYAN BANI RAHE.
Pati ghar ke bahar ka sara kaam sambhalega aur patni ghar sambhalegi, pariwar ko lekar ab ye vichar badalne lagi hai.khaskar bade shahron me aapsi vichar-vimarsh se sare pariwarik kaam miljulkar hone lage hain.lekin jab patni kamati ho aur pati se jyada kamati ho,to kai baar apni mansikta ke karan rishton me khatas aane lagti hai.par thodi samajhdari se is se bacha ja sakta hai.
Kisi ke liye bhi jyada kamana halanki pure pariwar ke liye faydemand hota hai,lekin is soch se hi pareshani suru hoti hai ke pariwar ka kharch aur jimmedari uthana purush ka adhikar hai.jab we is jimmedari ko pura nahin kar pate to,unhen kahin na kahin takleef hoti hai.film kabhi alvida na kehna me bhi shahrukh ke apahij hone par prity jinta ne apne ghar ki baagdor sambhali lekin is sab ne kahin na kahin sahrukh ke aham ko chot pahunchayi.aise me kai chhoti-chhoti baten hain jinka dhyan rakhna bahut jaroori hai.
Rishte ko banaye rakhne ke liye sabse pehla formula hai pyaar ke do mithe bol.pyaar se kahi gayi baat gahre jakhm par marham ka kaam karti hai.wahin ek baat aur hai ke do logon ki soch kabhi ek jaisi nahin ho sakti. Har Kisi ka alag soch aur nazariya hota hai.is karan chhoti chhoti baton ko lekar viwad ho hi jata hai.is baat ko samajhkar hi apni baat aage badhane chahiye.ek-dusre se uski soch aur achhaiyon ke saath samjhauta Karen.ek dusre ki bhawnaon ki Kadar karenge to takraar me kami ayegi.
Apni partner aur uski khusiyon ke bare me sochen.uski soch aur uske kaam ki tariff Karen aur aisa karne me aap khud ko chhota na samjhen ki aap unse jyada kamate hain,phir bhi jhukte hain aur unhen manate hain.wahin finance manage karne ke bare me har kisi ke alag vichar ho sakte hain.aise me apni baat manwane se behtar hai ke aap aise raay banayen jisme dono ki hi baaten ho.iske saath hi har vyakti chahta hai ke uski taarif ho kum se kum ghar me use kabhi nakara na jaye.aise me apne pati ki tarif unhen apni taraf khinchegi.is tarah finance ko lekar unse hue jhagde ya phir duriyon ko bhi kum kar sakti hain.we aapki baat aise hi samjhenge aur apne aap ko nicha ya chhota mahsus nahin karenge.ho sakta hai ke aapke kam-kaji hone ki wajah se unhen andar se bura lagta ho ki ya to ghar thik se manage nahin ho raha hai ya phir kai aisi chijen thik ki ja sakti thi,jo aapke kamkaji hone ki wajah se uljhi padi hain.ye karan sahi hain.par iske liye takrar ya jhagde ki jaroorat nahin hai.behtar to yahi hoga ki ghar me pati patni samanway ka mahaul banakar ek-dusre ki jimmewariyan tay kar len.aur sabse badi baat hai ke apne andar aham(proudness) ko kabhi aane hi na den aur chahe aap apne kaam me jitna bhi vyast(busy) kyon na rahte hon apne partner ke liye kuchh samay jaroor nikalen aur ek dusre ko neecha dikhane ki koshish bhool kar bhi na Karen.
