| no one can go back and make brand new start anyone can start from now and make a brand new ending |
| My Home >> Fun & Info >> My Poems |
Sehmi sehmi si khwahishein. ......
Main is taraf se guzar raha tha to main ne soacha k tujh se mil loon... salam keh doon k sehmi sehmi si khawahishon ka zamana ab to guzar chuka hai Woh nojawan tujh ko yad ho ga jhuki jhuki si nigah jis ki jo tere chehre pe per bhi jati to yun bikharti k farsh pe gir k jaisay aaina toot jae mujhe bhi yad wo aik lerki k jis k jism aur pairhan main hamesha ik kashmakash si rehti mujhe hamesha yeh khauf rehta k chandni aur barf mil ker jo ik sarapa sa ban gaya hai hazaron moonh zor khawahishon ki hararaton se kahin pighal na jae main is liye tujh se door reht tha aaj laikin koi bhi khwahish koi tammana nahin jo rasta zuban ka roke na ab meri aarzoo sharabi na ab teri aankh main sabu hai sitam guzida qarar main hoon, khazan guzida bahar tu hai lehaza kehne de ab to itna tu jab haseen thi, main jab jawan tha main tujh pe merta tha pyar kerta tha aaj to bas......... ......... ...... main is taraf se guzar raha tha to main ne soacha k tujh se mil loon salam keh doon k sehmi sehmi si khawahishon ka zamana ab to guzar chuka hai
|
| Register Now to create your personal Website | Disclaimer Personal Pages by : www.whereincity.com |