Hate shayari

Kuch iss tarah chaah baithe hum tujhe,
Hosh bhi khoya, neend bhi khoyi,
Seh na sake hum teri judaai ko,
Ki abb humme har insaan se nafrat,
Aur isqh ke naam se dhashat si hone lagi.

Ro-oge meri yaad mein tum hichkiyan lekar,
Main jaa rahi hoon tumhe aisi siskiyan dekar,
Mere nasheman ko tumne ujada hai,
Yeh wada raha mera,
Laut kar aaungi tere chaman mein bijliyan lekar.

Yeh daastan bhi ab adhoori rahegi,
Tere mere beech mein ab doori rahegi,
Bahut royi hoon tujhe yaad karke,
Ab yeh aankhein na geeli rahengi.

Na shikwa karenge kisi se ab,
Na dard apna dikhayenge,
Tere diye dard ke saath hi,
Ab hum muskurayenge.

Tu kar le laakh koshish,
Par ab na tootenge hum,
Khushiyon se sajayi hai mehfil,
Ab door bhaag jaayenge gham.

Teri zaroorat nahi ab mujhe,
Teri yaad hi qaafi hai,
Meri soti huii raaton ke liye,
Tera ehsaas hi kaafi hai.

Ja duur ja mujhse,
Phir na waapas aana kabhi,
Aana toh aise ki,
Duur na jaana kabhi.

Tanhai mein rote hain wo, hothon pe tabassum hai to kya hua,
Zindagi jeete hain wo, har zahar peete hain to kya hua,
Aaj bhi apni parchhaiyon mein dhoondta hoon use,
Yaad to taaza hai,hum maazi (past) hue to kya hua.

Kya faida hua hai ab intzaar karke?
Gardish mein aa gaye hain,hum tumse pyar karke,
Iss daur mein wafa ka hum karobaar karke,
Dard nibha rahe hain dushman se pyaar karke,
Har shakhs ki nazar mein kehla rahe hain mujrim,
Kuch khaas doston par aitbaar karke,
Ab hum na to iss zameen ke aur na to aasmaan ke,
Ik bewafa ke wade ka aitbaar karke,
Pehle mera janaza taiyaar to main kar loon,
Bhejungi tumko phir ghodi par sawaar karke.