Love shayari

Jeete ji hum to teri ho naa paye
shayad maut hi mila de humko tumse
Par darte hai kahin us waqt bhi
annkhen pher naa le tum humse

Hum tere bina aur jee nahi payenge
teri kasam hum to mar jayenge
bus intazaar hai teri bahon ka
sukun ki neend hum to so jayenge

Har baat me tabassum har baat me ada
in koshisho se humko behla na paaoge
aazmaaya hai hamesha aur aazmaao ge
ek roz par haqeeqat tum jaan jaaoge
rokenge raasta mere behte huye aansu
kar ke nazar andaaz inhe jaa na paaoge
Pucchenge us se hum bhi ek din
kya hum se duur hoke hume bhool paaoge?

dil chahta hai teri ankhon per kuch aur likhun
har tarha likh chuka hoon ab kis tor likhun
ab to har koi inhe jaan lewa kehta ha
main bhi tasdeeq karun ya zmane ka shor likhun
ab muje chahiye ke teri awaz ko rabab kahun
aur sochta hoon khubsoorti ko masal mor likhun
teri nazuk kalaiyon per bhi to kuch likhna chahoon
andaz-e-bayan ko bhi chahta hoon kabil-e-gor likhun
kabhi baith jaoon jo main pencil kagaz le kar
to apni aur tumhari mohabbat ka tamam daur likhun
tu meri janab dekhe to nazrein jhuka leta hoon
tujh ko bhadur likhun ya khud ko kamzor likhun
tu jab kabhi yaad aye to dil chahta hai
teri tasveer banaoon ya ek ghazal filfor likhun

Raabta laakh sahi qafla-e-Salaar ke sath
Hum ko chalna hai magar waqt ki raftaar ke sath
Gham lage rehte hain har aan khushi ke peeche
Dushmani dhoop ki hai saya-e-deewaar ke sath
Kis tarah apni mohabbat ki main takmeel karoon
Gham-e-hasti bhi tu shamil hai gham-e-yaar ke sath
Lafz chunta hu to mafhoom badal jata hai
Ek na ek khouf bhi hai jurrat-e-izhaar ke sath
Dushmani mujh se kiye ja magar apna ban kar
Jaan le le meri, Magar pyar ke sath