Miscellaneous shayari

Teri baatein hi sunaane aaye
Dost bhi dil hi dukhaane aaye
Phool khilte hain to hum sochte hain
Tere aane ke zamaane aaye
Aisi kuchh chup si lagi hai jaise
Hum tujhe haal sunaane aaye
Ishq tanhaa hai sar-e-manzil-e-Gam
Kaun yeh bojh uthaane aaye
Ajnabi dost hamein dekh ke hum
Kuchh tujhe yaad dilaane aaye
Dil Dhadakataa hai safar ke hangaam
Kaash phir koi bulaane aaye
Ab to rone se bhi dil dukhtaa hai
Shaayad ab hosh Thikaane aaye
Kyaa kahin phir koi basti ujadi
Log kyoun jashn manaane aaye
So raha maut ke pahalu mein Faraz
Neend kis waqt na jaane aaye

Poora Huwa Hai Azm-e-Safar,Muddatoun Ke Baad,
Dekhi Hai Un Ki Rah-Guzar,Muddatoun Ke Baad.

Ab Jalwa-Gaah-e-Yaar Hai Aankhoon Ke Saamney,
Raushan Huwa Charagh-e-Nazar,Muddatoun Ke Baad.

Karney Do Shaukhiyaan Ab Sang-e-Dar Ke Saath,
Machlaa Hai Aastaan Pe Ye Sar,Muddatoun Ke Baad.

Aye Dil Tarana-Sanj Ho Shukr-e-Wisaal Mayn,
Ab Shikwa-e-Firaaq Na Kar,Muddatoun Ke Baad.

Dasti Rahee Hayn Dil Ko Shab-e-Gham Ki Zulmatayn,
Aaya Nazar Jamal-e-Sahar,Muddatoun Ke Baad.

Un Ki Tajalliyaan To Hayn Har Aan,Nau Ba Nau,
Milta Hai Ezn-e-Deed Magar, Muddatoun Ke Baad.

Barham Nizaam-e-Zeest Badi Muddatoun Se Hai,
Aye Zulf-e-Yaar,Ab Tou Bikhar,Muddatoun Ke Baad.

Aankhoon Ke Jaam Khushk Thay,Ab Kooe-Yaar Mayn,
Dekhhi Hai Bahar-e-Deeda- e-Tar,Muddatoun Ke Baad.

Ab Kyon Na Zulf-o-Rukh Ke Fasaney Sunaayen Hum,
Badla Hai Rang-e-Shaam- o-Sehar,Muddatoun Ke Baad.

Ahbaab Poochtay Hayn Ke Naseer Ko Kya Huwa,
Kehta Hai Ab Bhi Shayer Magar,Muddatoun Ke Baad.

Duur hai manzil raahein mushkil,aalam hai
tanhaai ka.
Aaj mujhe ehasaas hua hai apni shikastaapai
ka.
Dekh ke mujh ko duniya waale kehne lage hain
deewana (Umair ),
Aaj Wahaan hai ishq jahaan kuch Khauf nahi
ruswaai ka.
Chhod dein rasm-e-Khud-nigari ko,tod dein
apna imaan,
Khatam kiye deta hain zaalim roop teri angadaai
ka.
Maine ziya husn ko bakhshi us kaa to koi zikr
nahin,
Lekin ghar ghar mein charchaa hai aaj teri
raanaa-ii ka.
Ahal-e-havas ab ghabaraate hain duub ke
behar-e-Gam mein,
Pehle na thaa bechaaron ko andazaa geharai ka.

IS SARAYE TAN MEIN
HAR SAANS MUSAFIR HAI
ZINDAGI KA THAA BHAROSA
AB TO MAUT BHI KAFIR HAI

AYE ALAAM JO PASS HAI TERE BARK,
TO PASS MERE BHI HAIN SAPNE,
TO GIRATA JAA BARK MERE HAR SAPANE PE,
DEKHOON TERI BARK KHATAM HOTI YA SAPNE.