Miscellaneous shayari

Ab kis se kahein aur Kaun sunay Jo Haal Tumharay baad hua
Is Dil ki Jheel si Aankhon mein Ek Khawab bahut Barbaad hua

Yeh Hijr Hawa bhi Dushman hai Us Naam ke saaray rangon ki
Woh Naam jo Mere Honton par Khushboo ki tarah Aabaad hua

Is Shehar mein Kitnay Chehre thay Kuch Yaad nahin Sab Bhool gaye
Ek Shakhs Kitabon jaisa tha Woh Shakhs Zubaani Yaad hua

Woh Apne Gaaun ki Galiyaan thi, Dil Jin mei Nachta Gaata tha
Ab is se Farq nahin padta Naashad hua ya Shaad hua

Be-Naam Sataayish rehti thi, In Gehri Sawali Aankhon mein
Aisa to kabhi socha bhi na tha, Dil Ab jitna Be-Daad hua

Aandhiyan gam ki chalengi to savar jaaoonga
Main to dariya hoon samandar mein utar jaaonga
Mujh ko sooli pe chadane ki zaroorat kya hai
Mere haath se kalam cheen lo mar jaaoonga

Teri zindagi ke lamhe mein har pal nikhaar aaye
Gulshan bhi ho pareshaan is kadar bahar aaye

Teri judaii say hai duniya ka har gam
Yaadein teri mere dil ka marham
Khyalon mein ho tum mere hum dum
Bus jao aa kay dil main aey hum dum

Hansti hain ankhein magar rehti hai un mein nami
Sab kuch mere pass hai Bass hai teri kami