Patriotic shayari

Utha kar Talvar jab ghode pe sawar hote
Baandh ke Saafa jab tayyar hote
Dekhti hai duniya chhat pe chadke
Kehte hai ki kaash hum bhi aise hoshiyaar hote

Sundar hai jag me sabse, naam bhi nayara hai
Woh desh hamara hai, woh desh hamara hai
Jaha jati-bhasha se badh kar Desh-Prem ki dhara hai
Woh desh hamara hai, woh desh hamara hai
Jita tha prem se sabko, hai "Baapu" us ka naam
Desh ke khatir jisne kiya apna jeewan balidan
Jaha pe vir Bhagat, Azad aur "Bose" ka nara hai
Woh desh hamara hai, woh desh hamara hai
Jaha pe "Suraj" puja aur nadion me mata Ganga
Chandrama pe lahraya jisne apna dhwaj "TIRANGA",
Vishv ko jisne ZERO dekar kiya navyug ka ujiyara hai,
Woh desh hamara hai, woh desh hamara hai
Jo sadion se aaj bhi har rishte se pyara hai
Sincha jisko khun se humne aur mamta se sawara hai
Jaha Ajuba hai vishv ka, kehlata "TAJ" humara hai
Woh desh hamara hai, woh desh hamara hai
Jis desh ko "Mata" keh ke hum sab ne diya samman
Wo hai Bharat desh mahan, wo hai Bharat desh mahan

Khushnaseeb hai wo jo
Watan pe mit jaate hai
Mar kar bhi wo log
Amar ho jaate hai
Karta hoon tumhe saalam
E-watan pe mitne walo
Tumhari har saans mein basta
Tirange ka naseeb hai

Kuchh haath se uske fisal gaya
wah palak jhapak kar nikal gaya
Fir laash bichh gayi lakhon ki
sab palak jhapak kar badal gaya
Jab rishte raakh mein badal gaye
insaanon ka dil dahal gaya
Main poochh poochh kar haar gaya
kyon mera bhaarat badal gaya

Jo Lada Tha Sipaahiyon Ki Tarah
Aisa Bharat Mein Koi Baadshah Na Hua
Rooh To Ho gayi Thi Tann Se Judaa
Haath Talwaar Se Judaa Na Hua