Zindagi shayari

Kisi ki aankh se sapne chura kar kuch nahi milta
Manderon se chiragon ko bujha kar kuch nahi milta

Koi aik aadh sapna ho to phir acha bhi lagta hay
Hazaron khuwab ankhon main saja kar kuch nahi milta

Ye acha hay ke aapas Kay bharam na tootne paye
Kabhi kabhi doston ko azma kar kuch nahi milta

Amal ki sookhti rag main zara sa khoon shamil kar
Mere humdam faqat baatein bana kar kuch nahi milta

Mujhey aksar sitaron se ye awaz aati hay
Kisi ke hijar main neendein ganwa kar kuch nahi milta

Jiggar ho jaega chalni ye ankhein khoon royengi
Ae dil befaiz logon se nibah kar kuch nahi milta

BanO Sahara be-saharoN ke liye,
BanO kinara be-kinaroN ke liye,
Jo jeeye apne liye to kya jeeye,
Jee sake to jIYO hazaroN ke liye.

Doobtey shehar ka manzar nazar aata hai mujhe
Duur tak aik samndar nazar aata hai mujhe
Jaane kiss ka hai jo paiker nazar aata hai mujhe
Aik insaan merey andar nazar aata hai mujhe
Dil ki aankhon se zamane ko agar dekhoon main
Waqt ke haath mein pathhar nazar aata hai mujhe
Wosaat-e-deeda-o-dil ka koye aalam to dekhe
Ab to har qatra samandar nazar aata hai mujhe
Duur rehna tou kabhi uss ko gawara he nahi!!
Saaya ban kar who sarasar nazar aata hai mujhe
Uss ke paiker se jo taabeer kia jata tha!
Wo bhi ab apna he paiker nazar aata hai mujhe

Baat Din ki nahi, Ab raat se dar lagta hai
Ghar hai kacha mera, Barsat se dar lagta hai

Tere tohfay ne to bas khoon ke aansoo hi diye
Zindagi ab teri soghat se dar lagta hai

Pyar ko chord kar tum koi aur baat karo
Ab mujhay pyar ki har baat se dar lagta hai

Meri khatir na woh badnaam kahin ho jaye
Iss liye unki har mulaqaat se dar lagta hai

Zindagi chhoti hai dilbar aa pyar karke dekh le
Hai is mein bhi lutf bada ek baar chakh kar dekh le

Maana ke hote hai aashiq-e-bimar aksar sangdil bewafa
Ek moka de mujhe aur aazma kar dekh le

Dosto se chid hai kyu apno se kyu juda hai
Mann me hai jo kuchh bhi tere mujhko bata kar dekh le

Chot ke dard se tujhko itna khauf kyu hai
Tu kisi ko uski khud ki nazar se gira kar dekh le

Beshak tu haseen hai tujh me na koi kami hai
Apne liye apni nazar me chahat basa kar dekh le

Khud se hai kyu khafa har rang se kyu naraaz hai
Mausam chahe jo bhi ho dil se laga kar dekh le

Ha raasta sahel nahi manzil bhi kaafi dur hai
Thak gaye kadam jo raah me mujhko bula kar dekh le

Jeene ka tujhe salika nahi tu kamsin nadaan hai
Kantoo se tujhe bacha loonga mere sath chal kar dekh le